يسقط كل من خان جيش شرطه فلول اخوان

بص ياحلو انتا وهى عشان متضعش تانى من ادينا ..
كلنا عارفين ان الجيش والشرطه ايد وسخه  ودى حاجه محدش يقدر ينكرها ولا هنزايد عليها 
بس ركزو كده معايا شويه .. 
دلوقتى انتا وانتى نازلين مظهرات سلميه ممعكوش اى حاجه إلا ممكن صاعق كهربائى او اسبريه عشان التحرش مثلا ولا الدفاع عن النفس .. حلو الكلام 
دلوقتى بقا على النحيه التنيا موجود مييين !!
موجود الجيش بدبباته 
الدخليه بخرطوشها والحى بتاعها 
ملشيات قذره ب اسلحه بيضه 
والفلول بفلوسهم الممكن يعملو بيها اى حاجه 
هتقوم انتا بقا ياشجيع السيمه هتفتح صدرك لكل دول !! وانتا سلمى !!! 
اكيد كلنا عارفين ايه النتيجه .. والشوارع بقا لونها احمر من كتر الدم ال سال عليها 
وتبقا شهيد ونقعد نعيط عليك وتحرق قلب امك ونقعد نقول 24 ساعه اننا هنجيب حقك.. 

طب مين ال ف مصلحته ان الجيش يدب ف الشعب والشرطه تدب ف المتظاهرين !! 
اكيد مش احنا .. 

المفروض بقا نفكر بعقل شويه اليومين دول نركز على هدف واحد وهو اسقاط النظام ونمسك ثورتنا كويس عشان محدش يسرقها تانى ونرفع واحد مننا يقعد ع الكرسى وفى الفتره الانتقاليه بأذن الله نكون عملنا محاكم ثوريه وساعتها بقا يابطل ويابطله هتعرفو تاخدو حقكم وحق ال ماتو وهنحاسب كل ال غلط .. وقتها هنعرف ناخد حقنا وبالقانوون 
انما ننزل نشتم ف الجيش والدخليه ونشتبك ويموتونا تانى .. ده مش الخيار الامثل صراحه طموحاتى مش انى اموت كده نتيجه اسفزاز عسكرى ب طوبه ..!! 
عموما ده رأىى تقبلوه ترفضوه براحتكو بس ياريت منبقاش مبنفكرش ونشغل عقلنا عشان نقدر نوصل لل احنا عاوزينه صدقنى دمك انتا وهى اغلى بكتيير من انه يروح هدر 
لازم تكملو ال انتو بدئتوه ياشباب 25 مش يا اى حد تانى 
وحط ف بالك ديما انه ف يوم من الايام هنكون تحت التراب .. مش هى دى المشكله المشكله اننا لو قابلنا حد من ال ماتو على مدار السنتين ونص ال فاتو هتقوله ايه !! 
طب هما هيقوللنا ايه . !! 
اخاف اقابل حد فيهم ويقولى خيبتى ظنى او ضيعتى تعبى ..
اوعه تفتكر ان اقصى حاجه ممكن تعملها انك تروح تموت ف مظاهره تبقا عبيط وتبقى عبيطه بصرف النظر ان كلنا نفسنا ف ده ونفسنا ف جنازه زى بتاعت جيكا 
بس لسه الطريق طوويل وال ورانا معنديش ثقه فيهم انهم هيكملوها صح ممكن يعملو زى وائل غنيم .. 

الطائفيه ...

عاوزه اقول بس حاجه كده ب الصلاة على النبى قبل اى كلمه بس انه لو حد شايف الكلام ده وبيقراه عاوزه بس المح على حاجه انك متنساش انك بتشوف كلامى ده بفضل الجهاز ال ف ايدك بقا ايا كان وان ال عملو الجهاز ده كفره !!!
ممكن يكونو يهود او بوذيين او ملحدين حتى ... واكيد انتا عارف كده 
سواء اكان العربيه ال بتركبها ولا الموبيل ال ف جيبك ولا التلفزيون ال بيسليك ولا حتى غساله بتكو 
يبقى معناه كده ان الكفره دول مش وحشيين .. ولا اييه !!!
يبقا مش نكره اى حد لمجرد بس انه مختلف معانا سواء اكان فى الرأى او الفكر او العرق او الجنس لان ده فى حد ذاته تخلف عقلى وقصور فى الخلايا الدماغيه عند الانسان ال بيفكر كده وبستغرب اووى انه فى ناس كتير بتتبنا ده ب اسم الدين !!
وده مش حاجه غريبه علينا هقولكم حاجه 
فى وقت كده من الاوقات ويوم من ذات اليومات شبه اختفى الاسلام من على شبه الجزيره العربيه 
واتملت كفر وفسق وبقو ماشيين غلط خااالص 
قام جه واحد صالح اسمه الشيخ "محمد بن عبد الوهاب" 
محمد عبد الوهاب ده بقا هو شبه رجع الاسلام تانى لشبه الجزيره العربيه 
طبعا بقا الناس قامو اييه لما صدقو يلاقو حد عارف فى الدين يعنى وكده المهم بقا ال عاوزه اوصله ان الناس بقت تمشى ورا محمد عبدالوهاب ده
 _مع حفظ الالقاب طبعا انا عمرى مهما عملت ماهوصل ل ربع العمله_
المهم بقا ان الناس زى ماتقول كده نسيت الرسول الكريم عليه افضل الصلاه واتم التسليم وبقا اى حاجه يقولها الشيخ تبقى سمع وطاعه وناس كتييير اووى مشيت على نهجه 
زى الناس مثلا ال فى السعوديه والسلفيين الى فى مصر .. 
.. بما انى والحمدلله درست فى مكه اعداى وثنوى ف درست كتب الشيخ محمد بن عبد الوهاب للتوحيد 
صراحه فى البدايه كان عادى لقيت انه فى حجات كتييره اووى بنعملها فى مصر غلط معظمها كانت ف الباب التالت تقريبا من الكتاب 
ابتدت مشكلتى بقا لما دخلنا فى قاعده "الولاء والبراء" وبما انى بقا مصريه وعندى اصحاب فى مصر مش مسلمين ..
فا كنت زى الحاجه الغريبه كده ف المكان .. 
القاعده دى بقا بتنص على انه لازم تكره بقلبك كل من يخالف هدى النبى صلى الله عليه وسلم 
بس مش تأذيه طبعا .. 
بس لازم تكرهه ب قلبك وتحب كل المؤمنين 
الحقيقه انا مش فاكره النص ال كان بيبقى مكتوب فى الكتاب بالظبط لانه كان الكلام ده من ايام اعداى وكنت صراحه حسه انه انا كده مش مظبوطه وانى نقصه الايمان وسعات احس انى مشركه واحيانا بطلع بكفر اصغر .. 
المهم يعنى جالى العقده بسبب الكام سنه دول لانى كنت حاسه انه "هو فى ايه !!" 
بس لما وصلت للثنوى ولقيت ف برضو فى كتاب دين بتاع "الثقافه الاسلاميه"مكتوب "كارل مركس" هو مؤسس الشيوعيه تقريبا وانه يهودى وطبعا مشروح ايه هى الشيوعيه والعلمانيه وبقيت المذاهب .. هى كفر هى الحاد تقوم على معرفش ايه وبيعملو ابصر ايه......
انا قريت قبل كده عن كارل .. ف المفروض انه مش يتذكر فى كتاب بس انه يهودى ولا كافر وبس طب ليه متقوليش هو عمل ايه وازاى كان عايش ومؤلفاته بتتكلم عن فكره ايه وايه التغيير ال عمله حواليه وبعد كده انا بقا هحكم عليه اذا كان هو كافر ووحش ولا ساعتها مش هيهمنى اذا كان كافر ولا مؤمن لان دى حاجه بينه وبين ال خلقه ..
فلاحظت انهم هنا مخصوص فى السعوديه بيحاولو بكل الطرق يقتلو العقل والتفكير وبيسلكو نهج التكفير لكل ال مش مسلم على حد كبير او مش بيكفرو بينفرو من كل ماهو غريب عنهم  وبيتكلموا ب لهجه شديده الحده عن اى حد مخالف للرأى 
ولما مره بتكلم مع المدرسه وكانت بتتناقش مع واحد صحبتى اسمها ندى وبتحاول تقنعها بحاجه انا فى البدايه مكنتش عارفه هما بيتكلم على ايه بس لما لقتها بتقول لصحبتى انتى مش ضامنه تموتى امته وتخيلى لو موتى على ذنب زى ده وكلام ذى كده 
انا اتخضيت فكرت انه فى حاجه قومت وقفت جنبهم شويه لقيت ان كل المشكله ان ندى مش بتغطى وشها وهى مع بباها فى العربيه مثلا ولا وهما خارجين عيله مع بعض:| طبعا انصدمت يعنى كـــــــــــــل ده عشان البنت مش بتغطى وشها !!
قولت للابله بس ده مش ذنب عظييييم اوى كده يعنى ده فى مذاهب اجازو عادى كشف الوجه والكفين لقتها بتشاورلى ب اديها وبتقولى مش انتى مصريه !! انتى على مذهب الشافعيه مش زينا ...
ساعتها انصدمت من تصرفها معايا ورجعت تانى تكمل الكلام عادى مع ندى 
وده الطبيعى يعنى من ال انا شفته هنا فى الدين .. 
حتى فكره ان فى مذاهب 4 مش بيتقبلوها 
فا منتفاجئش بقا لما نلاقى السلفيين بيقتلو الشيعه 
لانه الى حد كبيييير اوى متوهمين انه ده هو الصح وده هو المفروض يكون 
مع اتفاقى او اختلافى مع الشعيين دى حاجه تخصنى مش شغل حد بس ال انا مؤمنه بيه 
ربنا سبحانه وتعالى خلق الانسان ده .. مين انتا يا"عبد" عشان تحكم عليه ب الموت!!
ده احنا فى الاول والاخر عبيد ولا نسوا هو ال يخلق وهو ال ياخد الروح بأذنه وبأمره وهو ال يحاسب مش انتا ياعبد ...
انتا مهما كنت مش هتوصل لدرجه الصحابه مثلا 
ده الرسول نفسه قال عنه ربنا فى القران "عبد"الله ورسوله !!
شفت ازاى بقا انتا متسواش حاجه ..
وان ربنا مش مستنى منك انك تحاسب حد فى الدنيا ..!!
ولا طالب منك انك تمشى تقتل فى خلق الله عشان تتقرب منه 
ال بيعتدى عليك اعتدى زى مابيتعدى عليك ال عاوز يقتلك اقتله ال جى يحتل ارضك وانتا بتدافع عن ارضك او عرضك او مالك فى الحلات دى بس ال بيتسمى جهاد ..
احنا منضحكش على نفسنا ونسوق الاستهبال 
عمروا ماكان ولا هيكون ال انتو بتعملو ده جهاد !!
ده اسمو "ارهاب"
الهوا يلا بينا كده نجرب نعمل حرب كده وكده واهو لو موتنا نبقا شهدا
زى كده لما كنا بلعب واحنا صغيرين واحد ظابط والتانى الحرامى وكنا سعات بنتقمص الشخصيه اوى وبنضرب ونتضرب اهم بقا عاملين زى كده بالظبط 
ربنا سبحانه وتعالى قال "وجعلناكم شعوبا وقبائل لتعارفوا ان اكرمكم عن الله اتقاكم" 
يبقا الميزان هنا ايه فى الشعوب والقبائل والاختلاف بين اطياف الناس 
المزان هو  التقوى  مش القوه ولا مين معاه كام ولا مين بيعمل ايه ولا مين بيفكر ازاى 
بس للاسف الناس هتفضل كده زى ماهى لقيام الساعه والظلم هيفضل فى الارض لقيام الساعه والتلزق ب الدين والغباوه والاتضهاد فى كل حاجه فيضل قائم 
 مش من العدل انك تحكم على الناس او تحاكم فى الناس بغير وجه حق 
ولا من العدل انك تحجر عليا فكرى او رأئى بحجه ان ده حرام او ده مش مسلم يبقا ده فى النار يبقى ملناش دعوه بيه ..
بدل مانشغل نفسنا اننا نحاول حتى معاهم نشرحلهم دينا او نقولهم اى حاجه عنه بقينا بنشغل نفسنا بالقضاء عليهم 
كل واحد فى الدنيا دى حاسس انه هو الصح سواء كان مسلم مسيحى بوذى حتى ال بيعد النار وال بيعبد الجموسه بيبقى يقين جواه انه هو الصح وغيره كلهم فى النار 
بس لو حاولنا نشغل مخنا شويه هنعرف ايه الصح وايه الحق لان كل حاجه واضحه من ايام سيدنا ابراهيم بس محتاجه شويه تفكير وتشغيل للعقل الى خلاص قرب ينقرض من قله مابنستخدمه 
ولان الدين منطقه حساسه عندنا كلنا بيبقى صعب حتى الكلام فيه ف بيكون سهل على ناس كتير انهم يحملو السلاح ويقضو على كل من لايصدقهم وليس من لايقطنع بهم 
معظمهم ومشاء الله يعنى فى مصر حدث ولا حرج ملين الدنيا 
بيتكلمو بمنطق "هو كده هو ده الصح " طب انتا حضرتك يعنى حاولت شويه تقنعنى ده صح ليه !!
اشمعنا ده ال صح والباقى غلط !! .. هيرد : عشان هو كده ومتسئلش ده ربنا قال كده الرسول قال كده .. طب ياعم مش يمكن انتا غلطان مثلا او فهمت غلط ولا حاجه .. يقول لا ماهى واضحه اهى .. 
فى اى حاجه بقا بيتبعو نفس النهج دين سياسه حياه كـــــــــــل حاجه 
وطبيعى لما حد بيجى يغلطك ويقولك لاء حرام ازاى ده الرسول قال كده ويبرء بعنيه كده ..انا شخصيا بخاف ومبرضاش اغوص معاهم فى حوارات تخص الدين 
____________

ولو حاولنا نبص على ال بيتسترو ب عبائه الدين فى مصر او فى كل مكان عموما..
وخصوصا حديث الساعه عن الناس ال كانت مع مرسى فى الصاله المغطاه والمهزله ال خصلت من ابشع الكلام وافظعه 
وطبعا الراعى الراسمى بتاعهم مرسى بيه قاعد عادى مبسوط ب الهوا فيه 
لحد مابانت اول بشاير الشحن للناس ولما قتلو الراجل هو و3 كمان وحرقه البيت 
سؤال واحد بس .. مين ال اداك الحق !!
ده لو كان واحد جايبلو صنمين وبيعبدهم فى بيته انتا كامسلم مش من حقكك انك تضربه ولا تهينو حتى .. مش تقتله !!
لان ده واحد لارفع عليك سلاح ولااذاء فى حاجه راجل قافل عليه باب شقته ميخصكش ايه الى بيحصل ورا الباب ده مش شغل الى خلفوك 
ده يرضى ربنا
طب بالنسبه للحقير ده !! وكمان بيجيب الحق على شيخ الازهر وسايب المحرضين والمجرمين الحقيقيين .. وبيدافع على ابو اسماعيل !! :\ تاجر السلاح هو ده كل الى ربنا قدره عليه

انا لا اعرف مين حسن شحاته دى اصلا ولا عمل ايه ولا قضيتى معاه انا قضيتى ان ده انسان ماشى على رجليه انتا ب اى حق تقتله !! ب اى حق !! 
ده ربنا سبحانه وتعاله سيبه عايش .. تقوم انتا تقتله !!
والله لو فعلا زى مابتقول انه بيسب ومعرفش ايه انتا ممكن تروح ترفع قضيه ازدراء اديان عليه وتحبسه 
وده مش صعب عليكو يعنى 

لو اخدتها مش وجهه النظر التنيا عشان ابقى مش متحيزه 
ف بيقوله انه واحد كان بيشتم الصحابه وبيسب السيده عائشه رضى الله عنها وارضاها وان دمه مهدور من 2002 ايام ما كان بيخطب وبيشتم الصحابه 
بس السؤال بقا ..
هو مين ال دخل الشيعه تانى مصر !! مش هو نفسه البيسمع شتمتهم بودانه وساكت !!
ولما دخلهم هل هو ميعرفش انهم بيشتمو فى الصحابه !!
بس عموما مهما عمل مينفعش يتقتل وحتى لو هيتقتل يبقى مش ب البشاعه دى 
وفى الاول والاخر انا لا انا فقيهه فى الدين ولا شيخه ولا بفتى بس ال اعرفه انه حتى لو 
الراجل ده دمه مهدر والمفروض يتقتل ف اعتقد ان ولى الامر هو ال بيطبق الحدود يعنى من الاخر الشرطه قضاء تحقيق نيابه مش اروح اقتله ب ايدى ..
ومتزعلوش بقا لما يتقال عليكو انكو ارهابين ومتخلفين ولما تنفرو الناس من الاسلام .

لكى الله يــــــا ســــــــــــوريــــــــــــــا

كل الشعوب وكل الدول ال عملت ثورات عدت على خير بس سوريا الوحيده ال لسه لحد انهرده بتنزف دم ..

محدش يقدر يزايد على الشعب "الثورى" السورى ال لسه متمسك بمبأده وافكاره ولسه بيدور على الحريه 

ولسه صامد برغم تخاذل العرب كلهم واولهم مصر !! 

ال كانت ديما الام ف الوطن العربى ..

دخلت روسيا ودخل حزب الله ودخل الوهابيين وساعدوا الخليجيين ودخلت ايران حـــــــــــــرامـــــ كفايا كده سوريا خلاص بيطلع فى الروح ارحموها .. 

دى احصائيات الثوره السوريه فى شهر مارس 

ملخص أحداث الثورة السورية

اليوم ٧٣٢ : الجمعة ١٥  آذار/مارس ٢٠١٣

إحصائيات الثورة

ضحايا الثورة تجاوزت: +72,875

ضحايا الثورة من الأطفال: +5,000

ضحايا الثورة من الإناث +3,967

ضحايا الثورة من العساكر: +8,576

ضحايا الثورة الذين ماتوا تحت التعذيب: +1,602

المفقودون: +60,000

المعتقلون حالياً حوالي:  +200,000

عدد الجرحى: +137,000

اللاجئون السوريون منذ بداية الثورة: +1,364,268

اللاجئون السوريون في تركيا: +400,000

اللاجئون السوريون في لبنان: +336,997

اللاجئون السوريون في الأردن: +420,000

اللاجئون السوريون في العراق: +107,271

اللاجئون السوريون في مصر: +100,000

هذا الشعب مازال يدفع ثمن ثورته دم وتغريب وتعذيب هذا الشعب مازال حتى الان رافعاً رأسه لم يكسر ولا يذل

الثوره السوريه وكما قلت سابقا اتخذت مجرا عير المجرا الطبيعي لكل الثورات 

وذلك فى رأيي العامل الذى ساعد فى أراقه الدماع تسليح المعارضة .. 

ودخول كثير من الاطراف الى ساحه المعركة 

من جهاديين وغيرهم 

فتحولت المعركة الان الى نزاع ديني وهو ما يجعل كل طرف حريص على الفوز ب المعركة 

فتحولت الى فتنه طائفيه بين السنيين والشيعيين  .. فتحولت الثورة من بحث على الحريه والحقوق الادمية الى ابسط طلب وهو الحياه !!

.. لا يمكننا إلا الدعاء .. هكذا كان رد معظم العرب طوال 3 سنوات من معاناة ووجع والم السوريين 

وذل ومعاناة الاجئيين على حدود كل دوله من عدم توفر ابسط مقومات الحياه 

والان !!

يظهر البطل المغوار المنتخب ليزايد على الثورة السورية والالام السوريين ودماء شهدائهم ويتاجر بهم خوفا من يوم 30 هذا الشهر .. !!

فطلع علينا ليحثنا ليس على حسن معامله السوريين فى البلاد 

بل على حمل السلاح والذهاب للجهاد فى سوريا مع الجيش الحر "ال كله شبيحه " 

اين كنت ايها المنتخب عندما ذهبت لروسيا لاجل "الشحاته منهم " !!

اين كنت عندما وضعت يدك بيد كلب ايران !! 

اين كنت من عام مضى !!

أالان !!!

ولماذا الان بالتحديد !! 

وما الذى تريده من شباب مصر !! 

اتريد منه ان يحمل السلاح ليذهب ويرفعه فى وجه اخوه المسلم !! 

انه ليس ب البعيد عنكم فقد احللتم القتل من قبل .. 

الم تسمع عن السرقه والترويع من قبل الجيش الحر !! الم تسمع عن اغتصاب النساء وقول انه نكاح جهاد وتحليله 

الم تسمع عن سرقه المزارع والمنازل وقتل الناس على ايدي من يسمون انفسهم ب الجهاديين !!

اتريد من ابناء وطنك ان يذهبوا هناك ويضعوا ايديهم فى ايدي هؤلاء المجرمين !! وضد من !! ضد مسلمين لكنهم من الطرف الاخر وهم مجرمون بالمثل !! 

اتسمون هذا جهاداً 

قتل المسلم للمسلم حلال !! 

لماذا لم توجهم من عامٍ مضى للجهاد فى فلسطين !! 

لو كان لكم نيه فى لمساعده او فى اسقاط بشار لكنتم فعلتم وانتم تقدرون .. لكن لا تاتوا الان لتريقوا المزيد من دمائنا ب ادعاء انه جهاد 

فكرو جيدا لماذا لم ينصركم الله الى الان !! 

واقول لكم اخواني واخواتي الثوار الحقيقيون فى سوريا ..

كان الله فى عونكم وازاحها غمه من على صدوركم ..

وابعد عنكم كل من هو يلبس عبائه الثوره ليصل لمبتغاه ..

ويجب ان لا يغيب عن اذهاننا اسرائيل وامريكا فكلاهما يقويان بضعفنا 

مصرية مشكلة انا هنزل 30/6 عشان بعد كده مش هنعرف ناكل الباذنجان بطشه التوم

عنزة ولو طارت.. الجيش الحرّ الله يهديك - الموسم 2 / الحلقة 1

يوميات الثورة مستمرة

30-6

ليه هتنزل يوم 6-30 
هتنزل عشان لسه حق الشهداء مجاش 
هتنزل عشان وضعنا بقا مهبب 
هتنزل عشان ترجعلنا الكرامه ال كنا بندرو عليها وال كنا فاكرين اننا حصلنا عليها  لما سقط مبارك 
هتنزل عشان كفايا اوى عك لحد كده 
هتنزل عشان تكمل ال مات عشانه الجندى وكرستى وجيكا والشيخ عماد والولد ال مات ف اسكندريه ال كان فاتح صدره للرصاص 
هتنزل عشان كل دول لما كانو نزلين كانو عاوزنلك حياه افضل ماتو عشانك 
هتنزل عشان تريحهم ف قبرهم 
هتنزل عشان بقينا البلد التنيا عالميا ف التحرش والبنات بتغتصب ف التحرير
هتنزل عشان مرفت اتضربت بالقلم  
هتنزل عشان البلد بتتباع وبتغرق بينا 
هتنزل عشان دى ثورتنا احنا 
هتنزل عشان لحد دلوقتى مشفناش قانون عدل 
هتنزل عشان الفكره متموتش 
هتنزل عشان النيل مايروحش 
هتنزل عشان تمشى حكومه خيبه ورئيس مش مستوعب انه بقا رئيس وهو فاقد اصلا للشرعيه 
هتنزل عشان كفايه تشويه فى الدين 
هتنزل عشان كفايه اوى كده 
هتنزل عشان كفايا لحد هنا 
هتنزل عشان يوم ماماتو الناس ف بورسعيد طلع عزا الناس ف تويته 
هتنزل عشان بيجى على القضاء والتعليم والصحه والسياحه وكل حاجه 
هتنزل عشان ده مرض وبيتفشى في الدوله يوم بعد يوم 
هتنزل عشان لازم تفتكر 25 يناير 
هتنزل عشان زى ماشلت مبارك هتشيل مرسى 
هتنزل عشان انتا مش جبان عشان انتا راجل لازم تجيب حقك 
هتنزل عشان انتى متكسرتيش هتنزلى تجيبى حقك 
هتنزل عشان احنا خلاص تعبنا 
هتنزل عشان انتا مينفعش تعيش الا انسان بكرامه وحقوق 
هتنزل عشان الثوار بيتسجنو 
هتنزل عشان البيتعذبو ف السجون 
هتنزل عشان الانتهاكات ال لاانسانيه وال لا اداميه والانتهكات الجنسيه وحلات الاغتصاب ال بقت للرجاله جوا السجون 
هتنزل عشان انتا هيجى عليك الدور وهتبقى ضحيه ومحدش هيساعدك وقتها  
هتنزل عشان قوتنا ف وحدتنا عشان نرجع تانى ايد وحده 
هتنزل عشان انتا "مصرى" 
هتنزل عشان لو نزلت وسط البلد ولا عند الكورنيش هتلاقي الاسفلت شارب ومرتوى من دم ال ماتو وال مرميين ف المستشفيات وف بيوتهم مش عارفين يتعالجو 
هتنزل عشان انتا نزلت ايام مبارك وايام العسكر وعرفت تمشى الاتنين 
هتنزل عشان ثورتنا لسه مكملتش 
هتنزل عشان يبقا ليك دستور عدل ومجلس شورى وشعب بجد 
هتنزل عشا لسه الدخليه منضفتش
هتزل عشان مفيش عيش مفيش حريه ومفيش كرامه انسانيه ومفيش عداله اجتماعيه  
هتنزل عشان لسه فى فساد 
هتنزل عشان مش وانتا ماشى ف الشارع معه اختك ولا خطبتك ميجيش عيل عنده 15 سنه يوقفك ويقولك مين دى ورايح فين ولو معجبتوش هيلم عليك بقيت اصحابه 
هتنزل عشان كل واحد يشوف شغله بجد والبلد تتعدل 
هتنزل عشان نقعد شباب على الكراسى كفيانا عواجيز 
هتنزل عشان تقول لاء لكل البيحصلك 
هتنزل عشان الزباله ال ف الشارع والبلطجه ال ف كل حته 
هتنزل عشان ده رئيس لااحترم القانون ولا الدستور 
هتنزل عشان شرعيته سقطه معه اول نقطه دم 
هتنزل عشان يبطل الاخوان قله ادبهم وتقسمهم فى الشعب 
هتنزل عشان بنت ف 6 ابتدائى المدرس بيخلى كل ال فى الفصل يضربوها على قفاها عشا مش محجبه 
هتنزل عشان تقولهم انا مش كافر انا اهل كتاب 
هتنزل عشان مرسى بتاع الدين دخل الشيعه مصر 
هتنزل عشان المهازل البتحصل وعدم الكفائه والوزرا ال بيفجئو  
هتنزل عشان السلطه مبتسمعناش 
هتنزل عشان احنا اصحاب حق 
هتنزل عشان الثوره مستمره اتاخدت مننا مره ولازم نستردها 

هننزل كلنا .. كلنا ايد واحده ... 

____كلنا الشعب____

الــــخـــــــصــــــوص

4/14/2013  2013-04-14

طبعا طول عمرنا بنقول ان الاقباط دول شقائقنا وشركائنا فى البلد دى

ومحدش هيقدر يزايد على كده برغم انهم بيعانو من تفرقه فى بعض الحلات زى المناصب وغيره

….. فى عهد مرسى او مش فى عهده فى ناس مخها جزمه قديمه مش قدره تفهم ان عصر الخلافه انتهى وان الصحابه رضوان الله عليهم ماتو..

لا دول كمان عاوزين يدفعو الغير المسلمين الجزيه وبيقوله دى حاجه ف الاسلام وده غير فتاوى لا الحقيقه هى مش فتاوى هى خرافات وخزعبلات واى هرى وخلاص

احب اقولكم .. مش بس انتو المتطهضين …

مس بس انتو ال لو مش عاجباكو البلد تمشو وتسبوها

مش بس انتو ال خايفين ومش عارفين مصدكم ايه

احمدو ربنا ده انتو اهل كتاب عندهم

انما احنا "كفار"

كلناكلنا ف بلوه وحده المسلمين والمسيحيين

والبلد بلدهم ..

 

كل ال اعرفه عن الحادثه او زى ماسمعت وشفت انه عيلين 11 سنه و12 سنه راحو يرسمو علامه النازيه بتاعت هتلز على سور المعهد الدينى !!

لو كانت الحادثه بعد حلقه باسم كنت قولت عيال وبيلعبو

بس لــــيـــــه !!

واشمعنى على سور المعهد !!

طب مش فى دى المشكله

المشكله فى ان لما حد زعق للعيلين دول بيقوله نزل ابوهم ومعاه سلاح !! ابوهم المسيحى !!

وقتل "طفل" ملوش اى ذنب .

والمشرحه قبل ماتطلعه اتأكدت ان اهله مش هيمشو بنعشه وهيدفنوه على ول .ز وهو ده ال حصل

انما بقا الاخوه الحلوين خرجو وعملو هوليله وزيطه وزنبليطه والاعلام عملهم حفله "اول مره احس ان الاعلام وسخ"

برغم ان الكل عارف ان همل ال عملو المشكله وبتاع مجلس الشعب ده هو ال طلع سلاح والناس قلت دى مش اول مره !!

يبقى مش عيب عليكو بقا ياخونا الاقباط الحلويين تعملو كده وتفرجو الناس علينا وتخلو ال يسو وال ميسواش يتدخل ويهرى ويعمللنا جلسات صلح كمان !!

 

 

 

عموما مش هلوم عليكو كتير يمكن انا مش اعرف كل ال حصل ان ان ال وصلى ده مش كافى او مش صحيح

انما ال عـــيــــب بـجـد ان ريسنا حببنا يعمل مؤتمر عن جمال وحلاوه وروعه اللحمه السودانى ال طول عمرنا بناكل منه :\

يعنى فتنه طائفيه وبهدله فى البلد ومحدش شافه هز طوله وطلع قال حتى البقاء لله !!

مهو صحيح كان قالها فى احداث بورسعيد.

يبقى هيعبر دول

عموما اهم كلمتين كانو محشورين ف الزور يزعلو ناس بقا يعملو فتنه مليش فيه اهم حاجه مرارتى متتفقعش

ذلــــك الـــخـــريــــف

كٌتب فى 3-30 

انهرده كان يوم عادى جداً مكنش فيه حاجه مميزيه غير ان قضيه سوريا بتلفلف ف دماغى من ساعه القمه العربيه بتاعت قطر وان مقعد وريا بقا للمعارضا وانهم فتحو مبنى جديد للسفاره السوريه وحطو فيها واحد من المعارضه .. حسه انه كل المبشرات بتقول ان خلاص بشار وقع !! بس صاحبتى السوريه قالتلى بقالنا سنتين كل شهر بنقول خلاص هيسقط ومبيسقطش ..

بس هى طمنتنى وقالتلى متقلقيش سوريا هتقوم ف اقل من سنه لان سوريا معبر ل روسيا ف لو سوريا ضاعت روسيا كمان ضاعت

مش عارفه اذا كان كلامها صحيح ولا مش صحيح وخصوصا انى بقولها مش بلد عربيه هى ال تقوم ف اقل من سنه دى ولا محتاجه 10 او 15 سنه عشان ترجع سوريا تانى من جديد

ان مفيش انسان ف العالم كله ممكن يهد او يحرق بيته عشان جواه فار ال حصل فى سوريا ده وعن قناعه هو نتيجه تدخل من الخارج
كل التوقعات ان التظاهرات والاعتصامات تاخد مجراها زيها زى اى بلد بس فى سوريا يمكن مات نص الشعب والباقى متبهدل فى المخيمات وفى بلاد كتيير اووى
بس عمرى لحد دلوقتى ماشفت سورى موطى راسه او واحده سوريه مكسوره كلهم واقفين على رجلهم ربنا يرجعهم بلادهم ب السلامه ياارب ويرحمهم من ال هما فيه

فى يوم وانا بتفرج على قناه سوريه لقتها عارضه الفديو ده

 

 

 

~

 

ده فديو شفته على قناه الاخباريه السوريه ب الصدفه وهى قناه مؤيده بشده لبشار والنظام السورى والجيش .. الكلام ال فيه مقنع ب نسبه 90% ومحطم بنسبه 1000%

معقول !!

تكون اسرائيل هى ال ورا ده كله !!

 

 

ممكن ده نربطه ب كلام اوباما ان القدس عاصمه اسرائيل وانه اتكلم عن مستقبل اطفال اسرائيل "مستقبل"

ومحدش ف العرب اتهزتله شعرايا !!

 

وده بيدل على اننا اتلاهينا ف خبتنا

طب ده ليه علاقه ب الدور الريادى لقطر ال ظهر فجئه كده من غير لا مقدمات ولا مبررات

طب ال مش متبرر ان الاخوان المتأسلمين "حماس" هما ال مسيطرين على معظم الدول حاليا سواء تونس او مصر

هل هما كده سيطره على الشرق الاوسط او على جز منه !!

هل بيطمعه انهم يكمله على باقى البلاد !!

طب بما ان اسرائيل هى صاحبه الشراره

"دمك هيكون شراره ثوره من جديد"

بما ان القناصه والعربيه الدبلموسيه والدم ال كان ف البدايه كان من نصيب اسرائليين وناس من برا مندسه

هل هما ولعوها وسابوها ولا ان الاخوان موجودين ده ممنهج منهم !!

هل البردعى وعمر سليمان لما خرجو من الانتخابات هل خرجو عشان فوزهم اكيد ولا خرجو عشان ايه

هل عمر سليمان كان يعرف حاجه عشان كده اتقتل منهم ولا اتقتل مننا !!

طب ايه مصلحه اسرائيل انها تمسك الاخوان ..

يمكن عشان تضعفهم !!

ولا عشان تسيطر على المنطقه !!

ولا انه هى مدياهم شخشخه يتلهو فيها على مايضربو ضربتهم القاضيا ولا عشان تلهيهم عن فلسطين ال ب الطبع اتلهو والديل لما هذا الاوباما طلع اتكلم وجس نبضهم وكان النبض متوقف !!

وبقا ناس كتييير اووى  بتكره سيره فلسطين بسبب حماس ومش طيقه الفلسطنيين

حاجات كتيير واسئله كتيير ومحدش عارف الناس دى بتفكر اذاى ولا عاوزه توصل ل ايه

وغايتهم ديما بتبرر وسلتهم حتى لو ب الدم ..

 

هل يعقل اننا متخلفيين اووى كده واسرائيل ال هى اصلا مش موجوده ع الخريطه دى ال بتحركنا او بتتحكم فينا !!

صحيح الثورات طلعت ف وقت واحد وبنمط معين كان واحد برضو ف كل البلاد والمدهش ان كانت نتجتها وحده !!

 

ياترى التاريخ هيكتب ايه عننا ف التاريخ

كنت بقول هيشيد ب غباء الاخوان .. بس حاليا مش عارفه ازا كان غبئنا هيٌذكر ولا زى ماكنت فاكره هيتكتب خالد سعيد وال 18 يوم ..

لو بجد احنا كده عرايس ف فعلا نحن لانستحق الحياه ؟..

كنا طول الوقت بنهتم ب تربيه الدقن والحجاب وطشت الملوخيه وبرامج اكتشاف الاصوات واكتشاف المواهب وال لاعيب الفلانى مات والعلانى اتجوز الفلانيه والترتانى معرفش شتم مين

كان ترقبنا ل سديهات مرتضى منصور ول مقالات ابراهيم عيسى .. بس ال ظاهر اننا وكل دوول كنا مغيبين عن العالم الخارجى ال كان لازم نفتح عنينا عليه اكتر

واننا بننفذ خططهم وشكله بجد فى مؤامره بس المرادى مش علينا المرادى ااحنا ال بنعملها ب ادينا

وممكن يكون الفديو ده فعلا ال فيه صح ومكن يكون ال فيه غلط والله اعلم
وجايز يكون ال عمل الفديو ده متضايق من ال حصل ف سوريا او ليه وجهه نظر مختلفه ولا شاف من منظور تانى خااالص احنا مش شايفينو


 ____انا الشعب____