جرا ايه ياشعب وهو ال بيحصل ده ينفع برضو
بقيتو عاملين زى الكلاب السعرانه ال بتاكل ف بعض وبتنهش ف لحم بعض
نسيتو الثوره !! نسيتو الشهدا !! نسيتو نفسكو !!
بقا كل ال يهمكو دلوقتى انكو تخلصو من الاخوان ومش فارقه معاكو كميه الدم ولا الاعتقالات ال شغاله !!
عاملين زى الغبى ال حرق بيته عشان فيه فار مش عارف يصطادو
وأسفاا عليكو
بقا دلوقتى ال يطبل للجيش والدخليه والدم ال ف كل مكان يبقى وطنى ومخلص وشريف حتى لو كان مصطفى بكرى ولا تهانى الجبالى ولا عكاشه
وبقا ال يقول كفايا انتهاكات يبقى ابن كلب وخاين وعميل وخلايا نائمه زى حمزاوى والبردعى ورشا عزب
ال جى علينا بقا مرعب ومخيف وميطمنش
البرادعى خلاص سابنا وده معناه انه مفيش امل ف الشعب ده خلاص
ماهو فعلا
ال ينسى ان الدخليه قتلت وعذبت وسحلت وال ينسى جيكا وكريستى والجندى
وال ينسى مينا دنيال وينسى كشوف العذريه .. ال ينسى كل ده ويقول اصل القيادات اتغيرت يستاهل الحرق
انا عن نفسى مش هقدر اسكت عن الظلم
ولا عن انضف شباب وبنات عرفتهم ف حياتى وهما بيقعو يوم ورا التانى ال اتقتل وال اعتقلوه
وف الاخر يقولوعليهم ارهابيين والتنين يتاجرو بدمهم ومفكروش مره يطالبو بحقهم
حسبى الله ونعم الوكيل ف كل ظالم مفترى وف كل من هو شايف الحق وبيغمض عنيه عنه
لو سكتنا عن ال بيحصل ده بكرا هيجى علينا الدور مش لازم يموتلك حد عشان تفوق
مرسى مش راجع والسيسى لازم يتحاكم
ومحمد ابراهيم لازم يتعدم
واحنا لازم نرجع نقف على رجلينا تانى ومنسمحش ان ثورتنا تضيع المرادى ولا ان الدوله تتعسكر ولا الدخليه ترجع ل انهاكتها تانى ولا هنبقى دوله بوليسيه
الزم بيتك حتى لو ليك حق شهيد عاوز تجيبه لانه حاليا هيتم المتاجره بوجودك وممكن تتقتل وميبقاش ليك تمن وتضيع انتا وال نازل تجيب حقه ف وسط الزحمه دى ومتوهمش نفسك ان الجماعه ممكن تطلع مظاهره ف كل مكان ب اسم حق الشهيد عشان هتبقا عبيط
وياريت ال قاعد ف بتهم يحط لسانه ف بوئه وينخرس الناس ال ف الشارع دول زيهم زيك ومعظمهم نازلين عشان يجيبو حق اخواتهم ال ماتو قصاد عنيهم
اتقو الله ف نفسكو وف بلدكو وحكمو عقلكو وضمايركو
منكو لله ياشعب
ولكى الله يا مصر
